الفرق بين إستخدام الأنترنت علي اللابتوب و الأندرويد و الأيفون

إستخدام الانترنت

ليه إستهلاك الانترنت بيختلف من جهاز لـ جهاز و من نظام تشغيل لنظام تشغيل تاني ؟ 

كل نظام تشغيل بيبقي له مميزاته و عيوبه و الأجهزه المتوافقه معاه الي تقدر تشتغل عليه ، بس بالنسبه للأنترنت فـ هو بيبقي متاح لأي موبايل او لابتوب أو كمبيوتر أيً كان نظام التشغيل الي عليه (ما عدا بعض موبيلات الزراير طبعاً ☺) 
طيب ايه الي بيخلي في فرق بين إستخدام الانترنت علي الأندرويد و الـ IOS  و الويندوز مثلاً ؟ 
طيب لو جينا نبص مثلاً انك لو قمت بتصفح موقع معين علي موبايل أندرويد ، و أيفون ، و لاب توب هتلاقي انه الأندرويد أقل نظام تشغيل بيستهلك الأنترنت ، بس ده بسبب ايه ؟ 

مبدأياً في أغلب المواقع لازم يكون في نسخه مصممه للموبايل ، والنسخه دي بتكون معموله عشان تعرض نفس المحتويات الي موجوده في نسخه الكمبيوتر بس بجوده أقل شويه فـ بالتالي الإستهلاك بيكون أقل ، اكيد طبعاً الكللام ده مش بينطبق علي التحميل أو الـDownload  لانك بتحمل نفس المحتوي في النسختين..

لو جينا بقي للـ IOS فـ هنلاقي هواتف الأيفون بتستخدم أنترنت أكتر شويه من هواتف الأندرويد ، و ده بسبب أنها بتعرض النسخه الأصليه للمحتوي و بيتم تحميل الملفات المؤقته (الكوكيز) ، طبعاً الكويكز الخاصه بالموقع الي انت بتتصفحه بتنزل في هواتف الأندرويد بردو او اللاب توب  و دي بتكون عباره عن ملفات نصيه صغيره بيتم تحميلها علي جهازك الي بتتصح منه عشان تحفظ شويه معلومات تسهل دخولك للموقع لو فكرت تزوره تاني ، عشان كده دايماً مستخدمي الأيفون بيشتكوا من إستهلاك الانترنت بشكل غير طبيعي نسبه لباقي الهواتف و خاصه إذا كان يحمل هاتف أندرويد قبله إستخدامه للأيفون ، فـ هناك فرق  شاسع في إستخدام الانترنت بين الجهازين.