أي حد بيفكر يشتري موبايل بيبقي يهمه انه الموبايل فيه كل حاجه هيحتاجها من كاميرات كويسه ، مساحه داخليه تكون كافيه ، بطاريه تكمل معاه اليوم..و لكن الفلوس بتحكم انه لازم يقدم تنازلات عن شويه متطلبات من دي.. بس دلوقتي أحنا هنراجع معاكوا موبايل بأمكانيات ممتازه مقارنه بسعر ال999 جنيه الي مفروض بيه حالياً علي موقع جوميا..
Meizu C9
هاتف منافس جداً بالنسبه للقيمه الي بيقدمها مقابل سعره..مبدأياً كده ده أرخص موبايل بيشغل بابجي في مصر..مش بأحسن جوده و ف تقطيع بسيط في الفريمات بس بردو لازال ارخص جهاز بيشغل بابجي..
أولاً الموبايل بيجي بمساحه داخليه 16 جيجا بايت مع 2 جيجا رام و شاشه 5.5 بوصه بالأبعاد الجديده بس بدون نوتش..و لسه ف حواف بردو..بس تعتبر مقبوله نسبياً..
بطاريه 3000 ميللي أمبير ممكن تكمل معاك اليوم لو أستهلاكك متوسط..
كاميرا خلفيه 13 ميجا بيكسل مع كاميرا اماميه 8 ميجا بيكسل و من خلالها توجد ميزه بصمه الوش Face Unlock
الموبايل فيه سماعه واحده خلفيه و صوتها مقبول ، بس مش عالي ، و سهل انها تتكتم لو سيبتها علي سطح مستوي.
الموبايل بيدعم شبكات الجيل الرابع.
طيب دي أمكانيات كويسه كـ أرقام ، بس هل الموبايل يستاهل تشتريه ؟
لو قدرت تتقبل عيوبه الميزو C9 فـ ده هيكون أفضل موبايل تشتريه ب1000 ج.
عيوب Meizu c9
قطع الغيار بتاعته مش متوفره غير في التوكيل و بالتالي أسعارها هتبقي غاليه شويه
مش متوفر له جرابات في السوق ، بس ممكن توفق له سكرين بكل سهوله من أي محل موبيلات جنبك
صوت الموبايل مش أعلي حاجه ممكن تشوفها بس فعلاً الصوت نقي
مفيش هاند فري في العلبه
لا يدعم الراديو
البراند مش معروف و أسمه مش مستحب في مصر و ممكن تقابل شويه تريقه طبيعيه لو حد مش بيفهم ف الموبيلات شافه..طبعاً لو انت مش بتهتم بـ كلام الناس فـ أعتبر انه ده مش عيب من أساسه
مميزات Meizu C9
الموبايل بيجي بشاشه الافضل في فئتها IPS HD+
يمكن دمج ذاكره الموبايل الداخليه مع كارت ميموري..بمعني انك لو حطيت كارت ميموري تقدر تنقل البرامج علي الكارت بدون روت و دي ميزه مش موجوده في موبيلات كتير ، مع انها مهمه جداً بالنسبه للموبيلات الي مساحتها 8 جيجا و 16 جيجا..
البطاريه قابله للأزاله...هو دي مش ميزه ، بس في ناس بتشوفها ميزه..
الموبايل بيجي معاه جراب شفاف و سكرين زجاج
كاميرات الموبايل مقبوله جداً
في النهايه انا شايف انه بالرغم من كل حاجه فـ هو أفضل موبايل ب1000 ج معروض حالياً ، لو فكرت تعلي شويه بالفلوس فـ هيكون في أختيارات أفضل أكيد... أنما لو المتاح 1000 ج فقط فـ مش هتلاقي أختيار أفضل من ميزو سي 9
يمكنك الشراء من خلال الروابط التاليه من موقع جوميا بسعر 999 ج (ـضغط علي الصوره للشراء)
Meizu c9 Blue الأزرق
Meizu C9 Black الأسود
التسميات
موبايل