 |
| White Friday Best Deals |
بمناسبه اننا بقينا في شهر نوفمبر إلي معروف عنه انه بيبقي فـ عروض بتكون موجوده كل سنه في أخر جمعه من الشهر و بتتسمي الجمعه دي بـالبلاك فرايداي Black Friday يعني الجمعه السوداء... و طبعاً في مصر و الدول العربيه بيكون يوم الجمعه يوم مقدس ف بيطلق علي أخر جمعه في نوفمبر بـ الوايت فرايداي White Friday يعني الجمعه البيضاء..
 |
| White Friday Best Deals |
طيب ايه هو أصل الجمعه السوداء او البيضاء ؟
من حوالي 150 سنه حصلت أزمه اقتصاديه ضخمه في الولايات المتحده الامريكيه علي أساسها توقفت حركه التجاره و فضلت الازمه موجوده لحد ما بدأ التجار انهم يعملوا تخفيضات علي منتجاتهم ف رجعت التجاره بشكل طبيعي بالتدريج...و صادف انه الكلام ده حصل في وقت عيد الشكر و اللي بيكون في الاقبال علي المحلات كبير لشراء الهدايه..فـ اصبحت اخر جمعه من كل شهر نوفمبر يطلق عليها الجمعه السوداء و بتعمل المحلات خصومات كبيره جداً
الجمعه البيضاء في مصر و الوطن العربي
بدأت فكره الجمعه البيضاء بالأنتشار من خلال المتاجر الالكترونيه مثل موقع سوق.كوم و جوميا و بدأ الأمر يتطور و ينتشر حتي وجدنا انه أغلب المحلات في المولات و حتي الشوارع أصبحت تنزل التخفيضات في كل تاريخ للجمعه البيضاء ، و علي الرغم من انه اغلب عروض الجمعه البيضاء في مصر بتكون "أشتغاله" بس بردو بيكون في اقبال من الناس علي الشراء بشكل كبير جدأ ظناً منهم انه دي عروض حقيقيه.. بس ده بردو ميمنعش انه فعلاً في عروض حقيقيه و بتنزل بأسعار خياليه..و ده الي هنشوفه ان شاء الله من خلال صفحتنا علي الفيس بوك او من خلال المدونه بحيث اننا هنبلغكم بأفضل العروض و بـ أكواد الخصومات و طريقه الشراء من سوق.كوم و جوميا و نون و غيرها من المواقع الالكترونيه الي بتتيح لينا تجربه التسوق الالكتروني.
التسميات
اخبار و معلومات